Blog Archives

ჟურნალისტიკის ჰარაკირი


ძალიან კარგად მახსოვს და სხვებსაც ემახსოვრებათ, ალბათ, თუ როგორი მედია-გარემო იყო ქვეყანაში 2012 წლის არჩევნებამდე, როცა, ხელისუფლებასთან შეხმატკბილებულად, სამი ნაციონალური არხი სამოთხეში ცხოვრებას აჯერებდა (ცდილობდა, ყოველ შემთხვევაში) მოსახლეობას, თითქოს ქვეყანაში უზრუნველყოფილი იყო სამართლიანობა, ყველგან უმაღლეს დონეზე იყო დაცული ადამიანის უფლებები, ბიზნესი კი – ხელშეუხებელი, ხოლო ხელისუფლების უკლებლივ ყველა ოპონენტს სრული თავისუფლება ჰქონდა საკუთარი აზრის თუ პოლიტიკური პოზიციის გამოხატვისას…
ბევრი რამე შეიცვალა 4 წლის წინ, საზოგადოებამ დაიწყო თავისუფალ მედიაზე მიჩვევა, სიმართლის გაჟღერებაც თამამად და შეუზღუდავად ხდებოდა, თუმცაღა, რატომღაც მეჩვენება, რომ, პოლიტიკური პროცესებისა და ვიღაც-ვიღაცეების გემოვნების გათვალისწინების გამო, დღეს ქართული ჟურნალისტიკა თვითონ იკეთებს უკვე ჰარაკირს და შესაძლოა ამაში, “უანგაროდ”ეხმარებიან კიდეც, ჰარაკირი რომ უფრო სრულყოფილი გამოვიდეს…
როგორც 4, 7, 9, 15, 25 წლის წინ თუ უფრო და უფრო ადრეც, ბევრი რამ არ მომწონდა, არც ვაიჟურნალისტებს ვუჯერებდი, არც ვაიპოლიტიკოსებს, არც ხელისუფლების ზღაპრებს ვიჯერებდი და ასევე არ ვიბრმავებ თვალს არც ახლა, ასე იქნება ყოველთვის, რაც არ მომწონს, ნუ გაირჯებით, რომ მომაწონოთ! ხოლო შეცდომების გამეორებას რაც მოყვება, კარგად უნდა იცოდეს ყველამ!
4 სექტემბერი 2016 წ.

© ფეისბუკის პირადი გვერდიდან გადმოტანილი სტატუსი

edi (163x156, 30Kb)
ედნარ მგელაძე (ინტერნეტის ლაბირინთებში)

 

დღეს ქართული ჟურნალისტიკის დღეა…


დღეს ქართული ჟურნალისტიკის დღეა, თუმცა არ ვიცი რამდენად გვაქვს სადღესასწაულოდ საქმე, როცა ბოლო წლების განმავლობაში ასე უხვად დარიგდა ჟურნალისტის ნიღაბი…
მე კი ბევრი ისეთი ჟურნალისტი გამიგია, რომელსაც სიმართლისთვის თავი გაუწირავს, რომელიც ტყვიას არ შეუშინდა, ფულზე არ დახარბდა და უღირსი რეპორტაჟი არ გააკეთა…
დიახ, ამ ქვეყნად ბევრი შესანიშნავი ჟურნალისტი არსებობს, თუმცაღა საქართველოში რამდენია ასეთი, ძნელი სათქმელია, ალბათ თითებზე ჩამოსათვლელი…
ისე კი, ჟურნალისტობისთვის ნამდვილად არაა საქმარისი ამა თუ იმ ტელევიზიაში, გამომცემლობასა თუ სააგენტოში “გაჩითვა”, არც ზოგ-ზოგების დიპლომი განსაზღვრავს ბევრს და ე.წ. “ქსივას” დონეზე თუ განიხილება მხოლოდ…
წელიწადნახევრის წინ, წინასაარჩევნოდ, ქართულ მედიასთან დაკავშირებით დავაფიქსირე ჩემი პოზიცია და გულისტკივილიც ბევრ რამეზე გამოვხატე, თუმცა, დღეისათვის, მე ჩემი გულისტკივილი შემომრჩა, ისევ, ქვეყანას კი მოუმრავლდა ჟურნალისტის “ქსივოროსნები”…
მე კი რაოდენობაზე უფრო ხარისხი მაინტერესებს, ღირსეული, პრინციპული, სიმართლისთვის მებრძოლი ჟურნალისტები, რომელთა პროფესიას დიპლომი კი არა, მათი წესიერებით გაჟღენთილი პროფესიონალიზმი განსაზღვრავს და მხოლოდ მათ ვულოცავ ამ პროფესიონალურ დღესასწაულს, მათ ვულოცავ, ვისაც ამ სტატუსის მატარებლად მიიჩნევს ერი დღეს თუ არა მომავალში მაინც!
დღეს ქართული ჟურნალისტიკის დღეა…

© ფეისბუკის პირადი გვერდიდან გადმოტანილი სტატუსი

edi (163x156, 30Kb)
ედნარ მგელაძე (Ednar Mgeladze: My fotos and internet-coordinates)

%d bloggers like this: